One Tabernan Udako euskal stratego txapelketa jokatu zen

Aurreko asteartean, uztailaren 21ean, Oware eta Joko Estrategikoen Euskal Elkarteak hilero egiten duen bezala strategoko txapelketa bat antolatu zuen. Uda erdian gaudenez "Udako euskal stratego txapelketa 2015" deitu zion. 7 jokalari elkartu ziren One tabernan, Bilbon (San Ignazion). Jokalari bakoitzak hiru partida jokatu zituen eta azkenean onena Egoitz Campo izan zen.

Txapelketa honetan bi jokalari berrik parte hartu zuten. Haietako batek, Zunildak, abuztuan Belgikan egingo den Strategoko Munduko Txapelketan parte hartuko du eta bertan Egoitz eta Aitor bezala euskal selekzioaren kidea izango da. Lehengo egunean strategoan jolasten ikasi zuen, baina hemendik abuztura bitartean astero elkartuko gara Zunilda eta biok entrenatzeko. Hiru partida horietatik ez zuen partida bat ere irabaztea lortu, baina entrenatzen jarraituz gero hobetuko du. Aitorri, berriz, hurrengo astean Donostian antolatuko dugun txapelketan strategoan jolasten irakatsiko diogu.

Hemendik txapelketa nagusira bitartean ahalik eta partida gehien jokasten saiatuko gara ondo prestatzeko eta lan txukuna egiteko Waterloon. Argi dago oso zaila izango dela emaitza onak lortzea baina saiatuko gara.

Bestalde, ahaleginak ere egingo ditugu jende gehiago animatzeko strategoan gurekin jolastera. Ea lortzen ditugun gure helburuak. Hona hemen aurreko eguneko emaitzak, sailkapena eta argazki batzuk.

Emaitzak

1. txanda

Mayra Sánchez 6-1 Andoitz Campo

Egoitz Campo 6-1 Zunilda Pereira

Imanol García 6-1 Josu Miranda

2. txanda

Imanol García 6-1 Mayra Sánchez

Egoitz Campo 6-1 Josu Miranda

Felipe Fernandes 6-1 Zunilda Pereira

3. txanda

Mayra Sánchez 6-1 Felipe Fernandes

Egoitz Campo 6-1 Imanol García

Josu Miranda 6-1 Zunilda Pereira

Sailkapen nagusia

1- Egoitz Campo (Euskal Herria)        3 garaipen
2- Imanol Garcia (Euskal Herria)        2 garaipen

3- Mayra Sánchez (Euskal Herria)      2 garaipen

4- Josu Miranda (Euskal Herria)         garaipen bat

5- Felipe Fernandes (Brasil)                garaipen bat

6-Zunilda Pereira (Euskal Herria)       garaipen bat ere ez

7-Andoitz Campo (Euskal Herria)      garaipenik ez

Argazkiak

Beste txapelketa bat San Ignazion

Aurreko astezkenean, uztailaren 1ean, Oware eta Joko Estrategikoen Euskal Elkarteak hilero egiten duen bezala strategoko txapelketa txiki bat antolatu zuen. 5 jokalarik parte hartu zuten txapelketan eta San Ignazioko One tabernan bildu ziren. Uda denez eta jendeak denbora libre asko daukanez zailagoa da jokalariak elkartzea. Hala ere, etorri zirenek ondo pasatu zuten.

Gogoratu, abuztuaren 20tik 23ra ISF-ek urtero antolatzen duen Strategoko Munduko Txapelketa egingo dela Waterloon (Belgikan) eta bertan euskal selekzio batek parte hartu duelako esperantza dugu. Beraz, hemendik aurrera gehiagotan geratu beharko dugu entrenatzeko eta txapelketa ondo prestatzeko. Bertan, Europako jokalaririk onenak egongo dira, hortaz, oso zaila izango da lan txukuna egitea baina joaten garenok ahalik eta ondoen jolasten saiatuko gara.

Uztailaren 1eko txapelketan 3 partida jokatu zituen jokalari bakoitzak batek izan ezik. Azkenean Egoitzek irabazi zuen. Hona hemen txapelketaren emaitzak eta argazki batzuk.

Emaitzak

1.txanda

Egoitz Campo 6-1 Imanol García

Mayra Sánchez 6-1 Anielka Patricia Hernández

2. txanda

Egoitz Campo 6-1 Felipe Fernandes

Mayra Sánchez 6-1 Imanol García

3.txanda

Imanol García 6-1 Felipe Fernandes

Egoitz Campo 6-1 Mayra Sánchez

Sailkapena

1- Egoitz Campo (EH)
2- Mayra Sánchez (EH)
3- Imanol García (EH)
4- Felipe Fernandes (Brasil)
5- Anielka Patricia Hernández (Nicaragua)

Argazkiak